Hasköy Mahkemesi 10 Numaralı Sicil (H. 1085 - 1090 / M. 1674 - 1679) cilt: 30, sayfa: 102 Hüküm no: 108 Orijinal metin no: [62-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Arslan v. Salamon’un Rus asıllı câriyesi Melaniye’yi azat ettiği Havâss-ı Aliyye kazâsına tâbi‘ kasaba-i Hasköy mahallâtından Kiremitçi Ahmed Çelebi mahallesi sükkânından Arslan v. Salamon nâm Yahudi meclis-i şer‘de kendiye rıkkını mu‘terife olan orta boylu açık kaşlı gök gözlü Rûsiyyetü’l-asl bâ‘isetü’l-kabâle Melaniye nâm kâfire câriye-i memlûkesi muvâcehesinde ikrâr-ı sahîh-i şer‘î ve i‘tirâf-ı sarîh-i mer‘î kılıp işbu evsâf-ı mezkûre ile mevsûfe câriye-i memlûkemi malımdan âzâd ve mülkümden ihrâc eyledim ba‘de’l-yevm mezbûre Melaniye sâir harâir-i asliyyât gibi hürre olmuşdur üzerinde hakk-ı velâdan gayrı hakkım yokdur dedikde [63] mukırr-ı merkūm Arslan Yahudinin vech-i muharrer üzre cârî olan ikrârı mezbûre Melaniye talebiyle ketb olundu. Tahrîren fi’l-yevmi’s-sâbi‘ aşer min Cumâdelûlâ li sene tis‘în ve semânîn ve elf. Şuhûdü’l-hâl: el-Hâc Ömer Ağa b. Sefer, Mehmed Çelebi b. İbrahim, Ali b. Abdurrahman el-Muhzır, İbrahim b. Dilâver, Dilâver Bey b. Abdullah el-Muhzır, Mustafa Halîfe b. Mehmed