Hasköy Mahkemesi 10 Numaralı Sicil (H. 1085 - 1090 / M. 1674 - 1679) cilt: 30, sayfa: 104 Hüküm no: 111 Orijinal metin no: [64-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yakob v. Menas’ın Geyve’deki evini Yorgi v. Mihayil’e sattığı Vilâyeti Anadolu’da vâki‘ Geyve kazâsına tâbi‘ Ortaköy sükkânından olup hâlâ müsâferet vechi üzre Havâss-ı Aliyye kazâsına tâbi‘ kasaba-i Hasköy’de sâkin Yakob v. Menas nâm Ermeni meclis-i şer‘de işbu bâ‘isü’s-sifr yine karye-i mezbûre sükkânından Yorgi v. Mihayil nâm zimmî muvâcehesinde bi’t-tav‘i’s-sâf ikrâr ve i‘tirâf edip karye-i mezbûrede vâki‘ iki tarafı dere ve bir tarafı Mihayil v. Simavon nâm Nasrânî mülküne ve taraf-ı âhiri tarîk-ı âm ile mahdûd bir bâb tahtânî mülk menzilimi cümle tevâbi‘ ve levâhıkı ile mezbûr Yorgi zimmîye sekiz esedî guruşa tarafeynden îcâb ve kabûlü hâvî bey‘-i sahîh-i şer‘î ile bey‘ edip ol dahi vech-i muharrer üzre iştirâ ve kabûl eyledikden sonra semeni olan meblağ-ı mezbûr sekiz esedî guruşu müşterî-i mezbûr Yorgi zimmî yedinden ahz ü kabz edip mebî‘-i mezbûru mahallinde tesellüme mezbûr Yorgi zimmîyi taslît eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Tahrîren fi’l-yevmi’s-sâbi‘ ve’l-ışrîn min Cumâdelûlâ sene tis‘în ve semânîn ve elf. Şuhûdü’l-hâl: Mehmed b. İvaz, Hüseyin b. Receb, İbrahim b. Dilâver, Dilâver Bey b. Abdullah, Menas v. Mercan, Yamandi v. Kenek, Vasel v. Norek, Visek v. Asvader ve gayruhüm