Hasköy Mahkemesi 10 Numaralı Sicil (H. 1085 - 1090 / M. 1674 - 1679) cilt: 30, sayfa: 109 Hüküm no: 118 Orijinal metin no: [68-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mosi v. Yasef’in Rus asıllı câriyesi Anesti bt. Yasko ile azatlık sözleşmesi (mükâtebe) yaptığı Kiremitçi Ahmed Çelebi mahallesinde sâkin Mosi v. Yasef nâm Yahudi tarafından husûs-ı âti’l-beyânı ikrâra vekîl olup Ömer Beşe b. Hasan ve Mehmed b. Mustafa nâm kimesneler şehâdetleriyle şer‘an vekâleti sâbite olan Kemal v. Yasef nâm Yahudi meclis-i şer‘de müvekkili mezbûr Mosi’ye rıkkına mu‘terife işbu orta boylu açık kaşlı elâ gözlü gerdanında beni olup Rûsiyyetü’l-asl Anesti bt. Yasko muvâcehesinde bi’l-vekâle ikrâr ve i‘tirâf edip mevsûfe-i mezbûre Anesti târih-i kitâbdan beş sene tamâmına değin kendiye istikāmet ile hizmet etmek üzre kitâbete kesip ol dahi minvâl-i muharrer üzre kitâbet-i merkūmeyi kabûl ve hizmet-i lâzımesini edâya iltizâm eyledikden sonra müddet-i mezbûre tamâmında mezbûre Anesti cemî‘ malımdan âzâd ve i‘tâk olup sâir harâir-i asliyyât gibi hürre olsun dedi dedikde gıbbe’t-tasdîk [kayd olundu]. Fî 27 Şa‘bân sene [10]89. Şuhûdü’l-hâl: ( )