Hasköy Mahkemesi 10 Numaralı Sicil (H. 1085 - 1090 / M. 1674 - 1679) cilt: 30, sayfa: 118 Hüküm no: 132 Orijinal metin no: [76-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mosi v. Esterka’nın Deli Mehmed b. Mustafa’nın kendisinden cebren para aldığı iddiasıyla açtığı davada sulh oldukları Havâss-ı Aliyye kazâsına tâbi‘ kasaba-i Hasköy mahallâtından Kiremitçi Ahmed Çelebi mahallesi ahâlîsinden Mosi v. Esterka nâm Yahudi meclis-i şer‘-i şerîf-i lâzımü’t-teşrîfde mahrûse-i Galata kazâsına tâbi‘ kasaba-i Kasım Paşa mahallâtından Kulaksız mahallesinde sâkin bâ‘isü’l-kitâb Deli Mehmed b. Mustafa nâm kimesne mahzarında ikrâr ve takrîr-i kelâm edip târih-i kitâbdan beş gün [mukaddem] Kasım Paşa’dan kasaba-i Hasköy’e gelir iken akşam vakti Okmeydanı sahrâsında yol üzerinde mezbûr Deli Mehmed beni ahz edip koynumdan cebren on sekiz guruş ile iki yüz akçemi ahz ü kabz etmeğin meblağ-ı mezbûru da‘vâ ve taleb eylediğimde ol dahi inkâr etmekle beynimizde nizâ‘-ı küllî vukū‘undan sonra muslihûn tavassut edip meblağ-ı mezbûr da‘vâsından beni iki yüz elli akçe üzerine inşâ-i akd-i sulh ettiklerinde ben dahi sulh-i mezbûru kabûl ve bedel-i sulh olan meblağ-ı mezbûr iki yüz elli akçeyi mezbûr Deli Mehmed yedinden ahz ü kabz edip mâ‘adâya müte‘allika da‘vâdan zimmetini ibrâ-i âmm-ı kātı‘ü’n-nizâ‘ ile ibrâ ve iskāt eyledim dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fî gurreti Rebî‘i[levvel] li sene tis‘în ve elf. Şuhûd[ü’l-hâl]: Sâbikūn