Hasköy Mahkemesi 10 Numaralı Sicil (H. 1085 - 1090 / M. 1674 - 1679) cilt: 30, sayfa: 117 Hüküm no: 131 Orijinal metin no: [75-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mosi v. Esterka’nın Ali b. Durmuş tarafından pala ile yaralandığı iddiasıyla açtığı davada sulh oldukları Havâss-ı Aliyye kazâsına tâbi‘ kasaba-i Hasköy mahallâtından Kiremitçi Ahmed Çelebi mahallesinde sâkin Mosi v. Esterka nâm Yahudi meclis-i şer‘-i hatîr-i lâzımü’t-tevkīrde mahrûse-i Galata kazâsına tâbi‘ kasaba-i Kasım Paşa mahallâtından Atâullah mahallesinde sâkin bâ‘isü’l-kitâb Ali b. Durmuş nâm kimesne mahzarında ikrâr ve takrîr-i kelâm edip bundan akdem mezbûr Ali pala ta‘bîr olunur büyük bıçak ile sağ elimi ve iki yerden başımı ve sağ yanağımı urup cerh etmekle mecrûh etmekle [76] etmişdin deyû mûcebini mezbûr Ali’den taleb eylediğimde ol dahi inkâr etmekle beynimizde nizâ‘-ı küllî vukū‘undan sonra muslihûn tavassut edip da‘vâ-yı mezbûrumdan mezbûr Ali ile beynimizde iki yüz elli akçe üzerine inşâ-i akd-i sulh ettiklerinde ben dahi sulh-i mezbûru kabûl ve bedel-i sulh olan meblağ-ı mezbûr iki yüz elli akçeyi mezbûr Ali yedinden ahz ü kabz edip mûceb-i cerh-i mezbûrdan ve mâ yahdüsü minhüden mezbûr Ali’nin zimmetini ibrâ ve iskāt eyledim dedikde gıbbe’t-tasdîki’ş-şer‘î [mâ vaka‘a bi’t-taleb ketb olundu]. Fî gurreti Rebî‘ilevvel [sene] tis‘în ve elf. Şuhûdü’l-hâl: Ali Efendi b. ..?, İbrahim b. Ahmed el-Müezzin, Osman Çelebi b. Hüseyin, Hasan b. ..?