Hasköy Mahkemesi 10 Numaralı Sicil (H. 1085 - 1090 / M. 1674 - 1679) cilt: 30, sayfa: 119 Hüküm no: 135 Orijinal metin no: [77-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa b. Mehmed’in yetim oğlu Mehmed için eniştesi Osman Efendi b. Ali’nin vasî tayin edildiği Havâss-ı Aliyye kazâsına tâbi‘ kasaba-i Hasköy mahallâtından Mahmud Ağa mahallesinde sâkin iken bundan akdem vefât eden Mustafa b. Mehmed nâm müteveffânın sulbî sagīr oğlu Mehmed’e müteveffâ-yı mezbûrdan intikāl eden emvâlini hıfza ve emvâlini zabta bir vasî nasb ve ta‘yîn olunmak lâzım ve mühim olmağın sagīr-i mezbûrun eniştesi fahrü’l-müderrisîn bâ‘isü’l-kitâb Osman Efendi b. Ali nâm kimesne vesâyet-i mezbûreye lâyık mahal ve müstahık ve dindâr olduğunu sikāt ihbâr etmeğin kıbel-i şer‘den mezbûr Osman Efendi vasî nasb ve ta‘yîn olunup ol dahi vesâyet-i mezbûreyi kabûl ve merâsimini edâya ta‘ahhüd ve iltizâm etmeğin mâ hüve’l-vâki‘ bi’t-taleb ketb olundu. Fi’l-yevmi’l-hâmis ve’l-ışrîn min Rebî‘ilevvel li sene tis‘în ve elf. Şuhûdü’l-hâl: Fahrü’l-müderrisîni’l-kirâm Ahmed Efendi b. Hüseyin Ağa, Ali b. İsmail kayıkçılar kethüdâsı, Yusuf Çelebi b. Abdullah Dellâl, Hüseyin Çelebi b. ( ), Mehmed Bey b. Ali, İbrahim b. Dilâver, Ali Çelebi b. Abdurrahman