Hasköy Mahkemesi 10 Numaralı Sicil (H. 1085 - 1090 / M. 1674 - 1679) cilt: 30, sayfa: 121 Hüküm no: 139 Orijinal metin no: [79-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed b. Mehmed adlı çocuğa ninesinin talebi ile babasının malından nafaka tayin edildiği Hâkimü muvakki‘i a‘lâhu el-mütevakki‘u rızâ’e Rabbihî ve Mevlâhü imzâ-yı şerîf-i müstetâbı ile imzâlı bu vesîka ile Ahmed b. Mehmed b. Kemâl nâm sagīrin nafakası ile kisve ve sâir havâic-i zarûriyyesi için medîne-i Ebâ Eyyûb el-Ensârî müzâfâtından kasaba-i Hasköy’de Sütlüce mahallesinde sâkine olan ninesi ve terbiyesini üstlenmiş olan Fâtıma bt. Mehmed nâm hâtunun talebi ile babası üzerine târih-i kitâbdan i‘tibâren geçen ve mâzî olan her bir gün için râyic fi’l-vakt fıddî üç akçe nafaka farz ve takdîr ettikden sonra meblağ-ı mefrûz-ı mezbûru sagīr-i merkūma sarfa ve vakt-i zarûretde istidâneye ve lede’z-zafer mezbûr babasına rücû‘a izin verildikde farz ve takdîr-i sahîh-i şer‘î oldukda [kayd olundu]. Cerâ zâlike ve hurrire fi’l-yevmi’l-âşir min şehri Rebî‘ilâhir li sene tis‘în ve elf. Şuhûdü’l-hâl: Mehmed Bey b. Ali Muhtesib, Ali Çelebi b. Abdurrahman Muhzır, İbrahim b. Dilâver Muhzır, Dilâver b. Abdullah