Hasköy Mahkemesi 10 Numaralı Sicil (H. 1085 - 1090 / M. 1674 - 1679) cilt: 30, sayfa: 120 Hüküm no: 138 Orijinal metin no: [78-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa b. Mehmed b. Abdullah adlı çocuğa annesinin talebi ile babasının malından nafaka tayin edildiği Hâkimü muvakki‘i a‘lâhu el-mütevakki‘u rızâ’e Rabbihî ve Mevlâhü imzâ-yı şerîf-i müstetâbı ile imzâlı bu vesîka ile Mustafa b. Mehmed b. Abdullah nâm sagīrin nafakası ile kisve ve sâir havâic-i zarûriyyesi için medîne-i Ebâ Eyyûb el-Ensârî müzâfâtından kasaba-i Hasköy’de Pîrî Paşa mahallesinde sâkine olan annesi ve terbiyesini üstlenmiş olan Râbia bt. Sefer nâm hâtunun talebi ile babası üzerine târih-i kitâbdan i‘tibâren geçen ve mâzî olan her bir gün için râyic fi’l-vakt fıddî dört akçe nafaka farz ve takdîr ettikden sonra meblağ-ı mefrûz-ı mezbûru sagīr-i merkūma sarfa ve vakt-i zarûretde istidâneye ve lede’z-zafer mezbûr babasına rücû‘a izin verildikde farz ve takdîr-i sahîh-i şer‘î oldukda [kayd olundu]. Cerâ zâlike ve hurrire fi’l-yevmi’l-hâdî aşer min Rebî‘ilâhir sene 1090. Şuhûdü’l-hâl: Ali Ağa el-me’mûr bi cem‘i’s-sürsat, Mehmed Bey b. Ali Muhtesib, Ali Çelebi b. Abdurrahman Muhzır, İbrahim Çelebi b. Dilâver Muhzır