Adalar Mahkemesi 1 Numaralı Sicil (H. 1178-1184 / M. 1764-1771) cilt: 75, sayfa: 46 Hüküm no: 23 Orijinal metin no: [5b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çocuksuz olarak vefat eden yeniçeri ve askeri taifesine ait terekelerin beytülmala devredilmesi hakkındaki ferman hükümlerine uyulması Mûcebince Mektûb-ı Sadrıâzamî Mefâhirü’l-kuzât ve’l-hükkâm ma‘denü’l-fezâil ve’l-kirâm Anadolu’da orta kol yemîn u yesârından nihâyetine varınca vâki‘ olan kuzât ve nüvvâb -zîde fazluhum- ve yeniçeri zâbitleri ve serdârları -zîde kadruhüm- tevkī‘-i refî‘-i hümâyûn vâsıl olıcak ma‘lûm ola ki memâlik-i mahrûsemde vâki‘ kılâ‘ [ve] vilâyet ve kasabada ve nevâhîde mukīm ve müsâfir iken bilâ-veled [ve] vâris-i ma‘rûf fevt olan Dergâh-ı mu‘allâm yeniçerileri ve ona tâbi‘ olan tavâif-i askeriyenin cüz’î ve küllî muhallefât ve metrûkâtları bâ-hatt-ı hümâyûn-ı şevket-makrûn cânib-i beytülmala âid ve râci‘ olup âhardan bir ferdin vaz‘-ı yed etmesi îcâb etmez iken zuhûr eden mâl-ı beytülmal ve vâzı‘ü’l-yed olanlar zimmetlerinde mektûm kalıp cânib-i beytülmala gadr olunduğu Der-aliyyeme inhâ ve ihbâr olunmağla imdi taht-ı kazânızda mukaddem ve mu‘ahhar bilâ-vâris-i ma‘rûf fevt olan Dergâh-ı mu‘allâm yeniçerileri ...? tâbi‘ olanların metrûkât ve muhallefâtları ocakdan mübâşir ma‘rifeti ve ma‘rifet-i şer‘le sirran ve alenen teftîş ve tefahhus ve müfredâtları sicillâtdan ihrâc ve ber-mûceb-i defter-i müfredât vâzı‘ü’l-yed olanların zimmetlerinden bir akçe ve bir habbesi ketm ü ihfâ etdirilmeyerek mükemmel ve mufassal ve mümzâ ve mahtûm cânib-i beytülmala irsâl ve îsâl olunup ketm ü ihfâ ve izâ‘atdan gāyetü’l-gāye hazer eyleyesiz deyü fermân-ı âlîşânım sâdır olmuşdur mûcebince âmil olasız hilâfından hazer eyleyesiz ve’s-selâm. Tahrîren evâsıt-ı Rebî’i’l-evvel li-sene semân ve seb‘în ve mi’ete ve elf. El-Mahrûse-i İslambol Mûcebince mektûb-ı Yeniçeri ağası