Hasköy Mahkemesi 10 Numaralı Sicil (H. 1085 - 1090 / M. 1674 - 1679) cilt: 30, sayfa: 145 Hüküm no: 173 Orijinal metin no: [99-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Muhtaç durumda bulunan Fâtıma bt. Sarı Mehmed’in talebi üzerine oğlu Mustafa’nın nafaka ödeyeceği Havâss-ı Aliyye kazâsı müzâfâtından kasaba-i Hasköy mahallâtından Turşucuzâde Hüseyin Çelebi mahallesi sâkinelerinden işbu râfi‘atü’l-kitâb Fâtıma bt. Sarı Mehmed nâm hâtun meclis-i şer‘-i şerîfde sadrî kebîr oğlu Mustafa mahzarında üzerine da‘vâ ve takrîr-i kelâm edip mezbûr Mustafa oğlum olup benim nafaka ve kisveye kemâl mertebe zarûretim olmağla kıbel-i şer‘den nafaka ve kisve bahâ ve sâir havâic-i lâzımem için kadr-i ma‘rûf nafaka farz ve takdîr olunması matlûbumdur dedikde hâkim-i muvakki‘-i sadr-ı kitâb -tûbâ lehû ve hüsnü me’âb- hazretleri dahi oğlu mezbûr Mustafa üzerine yevmî beşer akçe nafaka ve kisve bahâsı ve sâir havâic-i lâzımesi için farz ve takdîr edip meblağ-ı mefrûz-ı mezbûru harc u sarfa ve vakt-i zarûretde istidâne ve lede’z-zafer oğlu mezbûr Mustafa’ya rücû‘a izin verilmeğin mâ hüve’l-vâki‘ bi’t-taleb ketb olundu. Fi’l-yevmi’s-sâdis aşer min Recebi’l-mürecceb li sene tis‘în ve elf. Şuhûdü’l-hâl: Mehmed Bey b. Ali, Dilâver Bey b. Abdullah, Ali Çelebi b. Abdurrahman, Abdülbâkī b. Ömer, Mustafa Beşe b. Hüseyin, Hüseyin Çelebi b. Mehmed, Seyfullah Efendi b. Abdurrahman, Mustafa Beşe b. Abdullah, Abdullah Çelebi b. Abdullah