Hasköy Mahkemesi 10 Numaralı Sicil (H. 1085 - 1090 / M. 1674 - 1679) cilt: 30, sayfa: 162 Hüküm no: 203 Orijinal metin no: [115-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Zimmî yağcılardan masdariye resmi alınması için buyruldu Mûmâ-ileyhin elinde olan berât mûcebince kānûn üzre rüsûm-ı masdariyeleri alıverile deyû buyruldu. Devletlü ve sa‘âdetlü sultânım hazretleri sağ olsun, Zimmî yağcı tâifesi tüccârından berât-ı şerîf mûcebince beher müd yağlarından resm ve masdariyelerini verip muhâlefet olunmaz iken şimdi ba‘zıları vermekde ta‘allül ederler yedimizde olan berât-ı şerîf mûcebince beher müd yağlarından kānûn üzre resm-i masdariyeleri alıver[il]mesi için buyruldu-yı şerîf ricâ olunur bâkī fermân sa‘âdetlü sultânımındır. Bende-i Hacı Hüseyin emîn-i gümrük hâlâ. Vasale ileynâ fî 12 min Saferi’l-hayr sene 1090.