Hasköy Mahkemesi 10 Numaralı Sicil (H. 1085 - 1090 / M. 1674 - 1679) cilt: 30, sayfa: 162 Hüküm no: 204 Orijinal metin no: [115-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hasköy’ün 1090 yılı ihtisâb ve ihzâriyyesinin Süleyman Bey’e verildiği Vech-i tahrîr-i hurûf budur ki Hâslar kazâsına tâbi‘ Hasköy kazâsının ihtisâb [ve] ihzâriyyesi kapıcıoğullarına mahsûs olup işbu doksan senesi Rebî‘ulevveli gurresinden beher mâh bin sekiz yüz akçeye Dergâh-ı âlî kapıcılarından Süleyman Bey’e der-uhde ve sipâriş olunup mâh-be-mâh bin sekiz yüz akçeyi edâ ve teslîm etmek üzre kabûl eyleyip üslûb-ı sâbık üzre mutasarrıf olup taraf-ı âhardan kimesne mâni‘ olmaya. Tahrîren fî gurreti ( ) sene 1090. El-fakīr İbrahim Halîfe-i bevvâbîn Mezbûr Süleyman Çelebi kendiden mukaddem muhtesib olan Mehmed Bey’i vâki‘ olan umûrunda ve sâir beynlerinde şerîk nasb eylediği kayd şüd. Fî gurreti mezbûre li’s-seneti’l-mezbûre.