Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 82 Hüküm no: 58 Orijinal metin no: [9b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rahime bt. Şücâ‘ ile kocası el-Hâc Mehmed’in anlaşarak boşandıkları (muhâla‘a) Mahmiye-i Galata tevâbi‘inden Kasımpaşa kasabası mahallâtından el-Hâc Hüsrev Mahallesi’nde sâkine Rahime bt. Şücâ‘ nâm hatun meclis-i şer‘-i şerîf ve mahfil-i dîn-i münîf el-masûn ani’t-tağyîr ve’t-tahrîfe hâzıra olup râfi‘u hâze’l-kitâb Mehmed b. el-Hâc Mehmed nâm zevci ile muhâla‘a etti. Zevc-i mezbûr dahi nikâhında ma‘kūdün-aleyh râyicü’l-vakt üç yüz akçe mehr-i müecceli, nafaka-i iddeti ve meûnet-i süknâsı mukābelesinde zevce-i mezbûresi ile hul‘ eyledi. Mezbûre Rahime bu sûretle akd-i cedîd ve mehr-i müste’nif olmadan zevc-i mezkûra helâl olmayacak şekilde bâyinen ayrılmış oldu. Sonra hukūk-ı zevciyyete müte‘allik cemî‘ de‘âvîden her biri diğerinin zimmetini ibrâ-yı âmm-ı kātı‘un li’n-nizâ‘ ile ibrâ etti. Cerâ zâlike ve hurrire fi’l-yevmi’s-sâdis aşere min-Şa‘bâni’l-mu‘azzam li-sene selâse ve sittin ve elf. Şuhûdü’l-hâl: el-Hâc Abdürrahim b. Muhyiddin, Hüdâverdi b. Mehmed, Hasan Çelebi b. Kanber, İbrahim Çelebi b. Davud, Mehmed Çelebi b. Süleyman çukadâr, Pîrî Beşe b. Hüseyin