İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 81 Hüküm no: 38 Orijinal metin no: [4a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İlyas b. Abdünnebî’nin, yeğenlerine ait maldan borç aldığı Mahmiye-i İstanbul’da Sultan Bayezid mahallesi sâkinlerinden İlyas b. Abdünnebî nâm kimesne mahfil-i kazâda Meryem ve Kerime ve Hüseyin? nâm sagīrelerin ammîleri ve kıbel-i şer‘den mansûb vasîleri olan Ramazan b. Mustafa mahzarında ikrâr edip, sagīretân-ı mezbûretân mâlından vasiyy-i mezbûr yedinden karz-ı şer‘î tarîkiyle yedi bin akçe ve beynimizde ilm-i şer‘î ile ma‘lûm çuka bahâsından bin elli akçe ki, cem‘an sekiz bin elli akçe ahz u kabz eyledim, karzdan mâ‘adâsı târih-i kitâbdan bir sene tamamına değin müeccel olduğu hâlde zimmetimde lâzımü’l-edâ deynimdir dedikde, mukırr-ı mezbûru ikrâr-ı meşrûhunda vasiyy-i mezkûr bi’l-muvâcehe tasdîk ettikde, mâ vaka‘a gıbbe’t-taleb ketb olundu. Tahrîren fi’l-yevmi’l-ışrîn min Saferi’l-hayr li sene seb‘a ve ışrîn ve elf. Şuhûdü’l-hâl: Süleyman b. Nasûh, Süleyman b. el-Hâc Sefer, Musli b. Mehmed ve gayruhüm.