İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 89 Hüküm no: 51 Orijinal metin no: [5a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Meyamizâde Mehmed Efendi’nin bakkal dükkânını Yorgi v. Todori’ye kiraladığı Fahrü’l-müderrisîn Meyamîzâde Mehmed Efendi mahfil-i kazâda sâhibü’l-kitâb Yorgi v. Todori nâm zimmî mahzarında ikrâr edip, silk-i mülkümde münselik olup mahmiye-i mezbûrede Eskiimâret mahallesinde vâki‘ iki tarafı mülk menzilime ve iki tarafı tarîk-i âmma müntehî olan bir bâb bakkāl dükkânını târih-i kitâb şehri gurresinden beş sene tamamına değin yevmî on ikişer akçe icâre-i müeccele ile mezbûr Yorgi’ye îcâr ve teslîm eyledim, ol dahi istîcâr ve kabz eyledi. Ba‘de’l-yevm müddet-i merkūme tamamına değin mutasarrıf ola dedikde, mukırr-ı merkūmu ikrâr[ı] mûcebince müste’cir-i mezbûr vicâhen tasdîk edicek mâ vaka‘a ketb olundu. Tahrîren fi’l-yevmi’l-hâmis min Saferi’l-hayr li sene 1027. Şuhûdü’l-hâl: Mehmed Çelebi el-müezzin, Üstâd Behrâm b. Abdullah, Üstâd Mehmed el-müezzin, Mustafa b. Hamza, Yusuf b. Behrâm, Memi b. Mustafa ve gayruhüm.