İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 89 Hüküm no: 52 Orijinal metin no: [5b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Abdi b. İlyas’ın, Hacı Osman b. Abdullah’taki alacağının kefîlden tahsili Mahmiye-i İstanbul mahallâtından Hoca Hayreddin mahallesinde sâkin Abdi b. İlyas nâm kimesne meclis-i şer‘de Üstâd Hasan b. Abdullah nâm kimesne üzerine takrîr-i da‘vâ edip, papuççu tâ’ifesinden el-Hâc Osman b. Abdullah nâm kimesne zimmetinde beynimizde ilm-i şer‘î ile ma‘lûm papuçlar bahâsından bin üç yüz akçe hakkım olup, meblağ-ı mezbûra merkūm Üstâd Hasan emr ve kabûlü hâviye kefâlet ile kefîl olmuşdur alıverilmesin taleb ederim dedikde, gıbbe’s-suâl mezbûr Üstâd Hasan fi’l-hakīka meblağ-ı mezbûra emr ve kabûlü hâviye kefâlet ile kefîl oldum deyû ikrâr etmeğin meblağ-ı mezbûrun edâsına tenbîh olunup, mâ vaka‘a bi’t-taleb ketb olundu. Tahrîren fî evâsıtı Saferi’l-hayr li sene seb‘a ve ışrîn ve elf. Şuhûdü’l-hâl: Yusuf b. Ali, Hızır b. Mehmed, Hakverdi b. Abdullah.