İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 92 Hüküm no: 59 Orijinal metin no: [6a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ayşe Hâtun bt. Ali’nin Eflak asıllı câriyesini satması Husûs-ı âti’z-zikr mahallinde ketb ü tahrîr olunmak için kıbel-i şer‘den âdem taleb olundukda küttâb-ı mahkemeden Mevlânâ Hamdi Efendi b. eş-Şeyh Mehmed el-müderris irsâl olunup, ol dahi mahmiye-i İstanbul’da Sarıgörez mahallesinde Mi‘mârzâde demekle ma‘rûf fahrü’l-ekâbir ve’l-a‘yân Mehmed Efendi b. Davud’un menziline varıp akd-i meclis ettikde, fahrü’l-muhadderât Ayşe Hâtun bt. Ali meclis-i mezbûrda merkūm Mehmed Efendi mahzarında takrîr-i kelâm edip, işbu hâzıra bi’l-meclis olan açık kaşlı elâ gözlü ak benizli Eflakiyyetü’l-asl Safiye bt. Abdullah nâm memlûke câriyemi mezbûr Mehmed Efendi yine tarafeynden îcâb ve kabûlü hâvî bey‘-i bât ile kırk altı bin yüz akçeye bey‘ ve teslîm ve kabz-ı semen etdim dedikde, gıbbe’t-tasdîki’ş-şer‘î vâki‘ hâli mevlânâ-yı mezbûr mahallinde tahrîr ve mahfil-i kazâda ihbâr ve takrîr etmeğin, mâ vaka‘a ketb olundu. Hurrire fi’l-yevmi’s-sâmin ve’l-ışrîn min Saferi’l-hayr li sene seb‘a ve ışrîn ve elf. Şuhûdü’l-hâl: Ahmed Ağa b. Süleyman, İbrahim Efendi b. Mustafa el-imâm, Mustafa b. Ömer, Nazar Beşe b. Abdullah.