.:: İstanbul Kadı Sicilleri ::.


İstanbul Mahkemesi 3 Numaralı Sicil (H.1027/ M. 1618)
cilt: 13, sayfa: 107
Hüküm no: 88
Orijinal metin no: [9a-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Ahmed Çelebi b. Hasan’ın Kosta v. Yani’den alacak iddiasını ispat edemediği

Bundan akdem vefât eden Mehmed Çelebi’nin li ebeveyn karındaşı ve alâ vechi’l-inhisâr vârisi Ahmed Çelebi b. (...) [nâm] kimesne meclis-i şer‘de Kosta v. Yani nâm zimmî üzerine takrîr-i da‘vâ edip, karındaşım merhûm-ı mezbûrun merkūm Kosta zimmetinde deyn-i şer‘îden on beş bin akçe hakkı olup vefât etmekle, meblağ-ı merkūm irs-i şer‘le bana intikāl etmişdir verâsetim hasebiyle meblağ-ı merkūmu merkūm Kosta’dan taleb ederim dedikde, gıbbe’s-suâl mezbûr Kosta merkūm Mehmed Çelebi’ye deyni olduğunu bi’l-külliye münkir olıcak, müdde‘î-i mezbûrdan da‘vâsına muvâfık beyyine taleb olundukda ihzârı için istimhâl etmeğin mehl-i şer‘î ile istimhâl olunup, ba‘de müddetin mütetâviletin ityân-ı beyyineden âciz olmağın, mâ vaka‘a bi’t-taleb kayd olundu. Tahrîren fî selh-i Saferi’l-hayr min şühûri sene seb‘a ve ışrîn ve elf.


Şuhûdü’l-hâl: Mustafa b. Hamza, Mehmed b. Ömer. Yusuf b. Bayram, Osman b. Abdullah, Halil b. İbrahim.