.:: İstanbul Kadı Sicilleri ::.


İstanbul Mahkemesi 3 Numaralı Sicil (H.1027/ M. 1618)
cilt: 13, sayfa: 109
Hüküm no: 92
Orijinal metin no: [9a-5]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Şimo v. Murad’ın ev, bağ ve hayvanlarını Koçi v. Polad’a sattığı

Şimo v. Murad nâm zimmî meclis-i şer‘de takrîr-i kelâm edip, Koçi v. Polad nâm zimmî muvâcehesinde ikrâr ve ta‘bîr ani’l-merâm edip, vilâyet-i Anadolu’da Samanlı Kazâsı müzâfâtından Elmalu nâm karyede vâki‘ bir tarafdan Karagöz nâm zimmî mülküne ve bir tarafdan Kelesti nâm papaz mülküne ve iki tarafdan tarîk-i âmma müntehî olan bir bâb tahtânî evimi ve bir samanlığı müştemil olan menzilimi ve yine karye-i mezbûre kurbunda vâki‘ bir tarafı Aslan nâm zimmî mülküne ve bir tarafı İrcid nâm zimmî mülküne ve bir tarafı Papas mülküne ve bir tarafı tarîk-i âmma müntehî olan bir kıt‘a bağımı ve iki re’s beynimizde ma‘lûm kara sığır öküzü ve iki yaşında iki re’s danasını târih-i kitâbdan altmış gün mukaddem safka-i vâhide ile merkūm Koçi’ye bey‘-i kat‘î ile bey‘ edip teslîm-i mebî‘ ve kabz-ı semen eyledim, ba‘de’l-yevm zikr olunan eşyâ merkūm Koçi’nin mülk-i müşterâsıdır keyfe mâ yeşâ mutasarrıf ola dedikde, gıbbe’t-tasdîk mâ vaka‘a bi’t-taleb ketb olundu. Tahrîren fi’l-yevmi’t-tâsi‘ min şehri Rebî‘ilevvel li sene seb‘a ve ışrîn ve elf.


Şuhûdü’l-hâl: Hüseyin b. Mustafa, Mustafa b. Abdullah, Murad b. Mehmed.