.:: İstanbul Kadı Sicilleri ::.


İstanbul Mahkemesi 3 Numaralı Sicil (H.1027/ M. 1618)
cilt: 13, sayfa: 118
Hüküm no: 107
Orijinal metin no: [11a-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Sinan Beşe’nin Nesli Hâtun bt. Ali’de alacağı olduğu

Ba‘dehû bâlâda mastûr olan Sinan Beşe, Nesli Hâtun bt. Tur Ali muvâcehesinde da‘vâ edip, merkūme Nesli zimmetinde kāsıl-bahâsından iki bin akçe hakkım vardır dedikde, gıbbe’s-suâl mezbûre hâtun ikrâr edip, fi’l-vâki‘ kāsıl-bahâsından mezbûr Sinan Bâşe’ye iki bin akçe deynim var idi. Lâkin bi’t-tamâm edâ etdim deyip, mezbûr Sinan Bâşe teslîmi inkâr edicek, merkūmeden beyyine taleb olundukda izhâr-ı acz edip istihlâf etmeğin, mezbûr Sinan Bâşe’ye meblağ-ı mezbûru merkūme hâtundan vech-i tarîk ile ahz u kabz etmediğine yemîn teklîf olundukda mezbûr Sinan Bâşe alâ vefki’l-mes’ûl yemîn billâhi’l-azîm edicek, merkūme Nesli’ye meblağ-ı mezbûru merkūm Sinan Bâşe’ye teslîme tenbîh-i şer‘î kılınıp, mâ hüve’l-vâki‘ bi’t-taleb ketb olundu. Tahrîren fi[‘t-târihi’l]-mezbûr.


Şuhûdü’l-hâl: Es-Sâbikūn.