|
İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 118 Hüküm no: 108 Orijinal metin no: [11a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Bakkal Yani v. İstati’nin kendisini yaralayan köle Rıdvan’ın efendisi Ferhad Bey’den tedavi masraflarını aldığı
Bakkal tâ’ifesinden Yani v. İstati nâm zimmî şer‘-i kavîm-i lâzımü’t-tekrîmde işbu hâfızu’l-kitâb Ferhad Bey b. Abdullah mahzarında ikrâr ve takrîr-i kelâm edip, mezbûr Ferhad Bey’in abd-i memlûkü olan Rıdvan b. Abdullah târih-i kitâbdan kırk gün mukaddem beni sol boş böğrümden bıçak ile urup mecrûh eylemiş idi. Cerhim ve merhem-bahâ mezbûr Ferhad Bey yedinden yedi yüz nakd-i râyic fi’l-vakt akçe alıp kabz edip, merkūm Rıdvan’ın zimmetini husûs-ı mezbûra müte‘allik olan cemî‘-i de‘âvî ve muhâsamâtdan ibrâ-i âmla ibrâ ve ıskāt-ı tâm ile ıskāt eyledim, ba‘de’l-yevm mazmûn-ı kitâba muhâlif benden asâleten ve vekîlimden vekâleten da‘vâ sâdıre olursa lede’l-hükkâmi’l-kirâm mesmû‘a ve makbûle olmaya dedikde, mukırr-ı mezbûr Yani[‘yi] ikrâr-ı meşrûhunda mersûm Ferhad Bey vicâhen tasdîk edicek, mâ hüve’l-vâki‘ bi’t-taleb ketb olundu. Tahrîren fi’l-yevmi’s-sânî aşer min [şehri] Rebî‘ilevvel li sene seb‘a ve ışrîn ve elf.
Şuhûdü’l-hâl: Ömer Bey b. Mehmed, Murad b. Mustafa, Mustafa b. Mehmed.
|