|
İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 125 Hüküm no: 117 Orijinal metin no: [12b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Hasan b. Mehmed’in tarlalarının tasarruf hakkını Süleyman b. Sinan’a devrettiği
Hasan b. Mehmed nâm kimesne mahfil-i kazâda sâhibü’l-kitâb Süleyman b. Sinan muvâcehesinde ikrâr ve takrîr-i kelâm edip, vilâyet-i Anadolu’da Kastamonu Sancağı’nda Güney Kazâsında Beyköyü nâm karye sınırında vâki‘ Velidler nâm mevzi‘de Tilkipınar nâm karye sınırında vâki‘ inde’l-ahâlî ma‘lûmü’l-hudûd ve’l-mikdâr babamdan intikāl edip tasarrufumda olan yirmi kıt‘a tarlaların hakk-ı tasarrufun sâhib-i arz ma‘rifetiyle mezbûr Süleyman’a tefvîz edip, mukābele-i tefvîz iki bin üç yüz akçesin ahz eyledim dedikde, mukırr-ı mezbûrun ikrâr-ı meşrûhun el-mukarru-lehü’l-mezbûr vicâhen tasdîk edicek, mâ hüve’l-vâki‘ bi’t-taleb ketb olundu. Tahrîren fi’l-yevmi’s-sâlis aşer min şehri Rebî‘ilevvel sene seb‘a ve ışrîn ve elf.
Şuhûdü’l-hâl: Ahmed b. Mahmud, Hasan [b.] Mehmed, Ahmed [b.] [R]amazan, Süleyman [b.] Hasan, Mehmed [b.] Hacı.
|