|
İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 136 Hüküm no: 136 Orijinal metin no: [14b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Ayşe Hâtun b. Osman ile Ebûbekir b. Hüseyin’in mîrâs davasında anlaştığı
Mahmiye-i İstanbul’da Manisalı Çelebi mahallesi sâkinelerinden olup bundan akdem vefât eden Kamer Hâtun bt. Abdullah’ın verâseti sulbiye kebîre kızı Ayşe Hâtun bt. Osman’a ve zevci Ebûbekir b. Hüseyin’e münhasıra idiği zâhir u mütehakkik oldukdan sonra, mezbûre Ayşe Hâtun meclis-i şer‘de merkūm Ebûbekir mahzarında takrîr-i kelâm edip, vâlidem müteveffât-ı mezbûrenin muhallefâtından bana âid olan hisse-i şer‘iyyemi taleb eylediğimde beynimizde nizâ‘ vâki‘ olmuşdu. El-hâletü hâzihî müteveffât-ı mezbûrenin cemî‘-i muhallefâtında bin dört yüz akçeye tehârüc-i şer‘î tarîkiyle sulh olunup, bedel-i sulh olan meblağ-ı mezbûru bi’t-tamâm ahz edip cemî‘-i muhallefâtına müte‘allik âmme-i de‘âvîden mezbûr Ebûbekir zimmetini ibrâ-i âm ile ibrâ etdim dedikde, gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Hurrire fi’l-yevmi’l-ışrîn min şehri Rebî‘ilevvel li sene seb‘a ve ışrîn ve elf.
Şuhûdü’l-hâl: Hasan Efendi b. Ali el-hatîb, el-Hâc Şaban b. Ahmed, Mustafa b. Abdullah, Kasım Bey b. Abdullah, Derviş b. Haydar.
|