İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 146 Hüküm no: 155 Orijinal metin no: [16b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Odya bt. Manol’un, babasının zaptedilen terekesinde istihkak iddiası Hâlen Rumeli-i ma‘mûrede vilâyeti Kartin kasabası kadısı olan Mevlânâ Ahmed Efendi b. Mahmud tarafından zeylinde kendi hattıyla kendisinin ve babasının ismi yazılmış ve zahr-ı kendi mührü ile mühürlenmiş, bin yirmi altı senesi evâhiri Şevvâl-i mükerrem târihli, mazmûnunda, babası mahmiye-i Kostantıniyye Dârü’s-saltanati’s-seniyye mahallâtından Osman Tekkesi mahallesinde fevt olan ve terekesi mahmiye-i mezbûrede vâki‘ beytü’l-mâl-i âm ve hâs emîni tarafından zapt edilmiş bulunan, karye-i merkūme mahallâtından Vezyeci? mahallesinde sâkine, bâiset-i hâzihi’l-vesîka Odya? bt. Manol v. Yani’den sâdır olan da‘vâda, kasaba-i merkūme tevâbi‘inden Akak? mahallesi ahâlî ve ra‘iyyetinden Memi b. Hüseyin b. Abdullah ve Hızır b. Mehmed b. İskender nâm kimesnelerin gıbbe’l-istişhâd davacının müteveffâ-yı mezbûrun sulbiye kızı olduğu ve müteveffâya mîrâsçılığın ona münhasır olduğu, ondan başka vâris veya terekeye müstehak kimesne bilmedikleri yönündeki şehâdetlerinin kabûl şartlarına uygun ve geçerli olduğunun tesbitinden sonra müdde‘iyye-i mezbûrenin mezbûr terekenin ona el koyan kimesneden istenmesi, kabz-ı, îsâli ve almayı başarabildiği her şeyi alması talebiyle vekâlet vermesi üzerine Yani v. …? v. Yoso bu vesîkayı nakletti. Mahmiye-i Kostantıniyye’de vâki‘ merhûm Murad Paşa vakfı mütevellîsi kāim-i makāmı, vakf-ı mezbûr için müteveffâ-yı merkūmun hâl-i sıhhatinde tasarrufu altında bulunan her şeyi ve mahmiye-i mezbûre çarşılarından Aksaray çarşısında vâki‘, vakf-ı mezbûr bitişiğinde bulunan, bir tarafdan vakf-ı mezbûr ile, diğer tarafdan Cevher Ağa vakfı ile, öbür tarafdan ( ) vakfi ile ve diğer tarafdan da tarîk-i âm ile mahdûd ekmek fırınını icâre-i mu‘accele ve ücret-i müeccele ile ondan zapt eden ve müteveffâ-yı mezbûrun evlâdı olmadığını zannederek tasarruf eden ihzâr etti. Mehmed Bey b. Hüseyin el-Hâc, vesîka huzûrunda okunduğunda müteveffâ-yı mezbûrun fırındaki hissesini zapt ettiğini ikrâr etti. Gıbbe’d-da‘vâ ve’l-istişhâd an kıbeli’l-vekîli’l-mezbûr, isimleri şâhidler hânesinde yazılı Perviz b. Ahmed ve Ahmed b. Mehmed, bu vesîka mevlânâ-yı mezbûrun vesîkasıdır; zeylinde vâki‘ hat onun hattıdır; zahrındaki mühür onun mührüdür; bizim yanımızda mühürlemiş ve bize teslîm etmiştir; biz buna şehâdet ederiz diye şâhidlik ettiler. Şehâdetleri ba‘de şerâ’iti’l-kabûl ınde’ş-şer‘ muteber ve makbûl oldukdan sonra mûcibince hükmedildi. Cerâ zâlike ve hurrire fi’l-yevmi’l-hâmis ve’l-ışrîn min şehri Rebî‘ilevvel sene 1026? Şuhûdü’l-hâl: Murad b. Mehmed, Mehmed b. Ahmed, Mehmed b. Nasrüddîn Serbölük, Ali b. Abdullah, Mustafa b. Cafer ve gayruhüm