İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 158 Hüküm no: 175 Orijinal metin no: [18b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kaçak köle Perviz’in satılması Merhûm Ahî Çelebi vakfından olup kasaba-i Çorlu’ya tâbi‘ olan Öksüz nâm karyede cânib-i vakıfdan zâbıt-ı âvâbık olan Kavak v. Andriya nâm zimmî meclis-i şer‘de Ahmed b. Mehmed mahzarında ikrâr ve takrîr-i kelâm edip, işbu meclisde hâzır olup târih-i kitâbdan iki yıl mukaddem karye-i mezbûrede Perviz b. Abdullah nâm abd-i âbıkın müddet-i örfiyyesi tamam olup, sâhibi zuhûr etmemekle zâbitliği hasebiyle [mer]kūm Ahmed’e iki bin akçeye bey‘-i kat‘î ile bey‘ edip kabz-ı semen eyledim, merkūm dahi abd-i mevsûf-ı mezkûru ibtiyâ‘ ve kabûl ve kabz eyledi dedikde, mâ vaka‘a gıbbe’t-taleb ketb olundu. Hurrire fi’l-yevmi’s-sânî min şehri Rebî‘ilâhir li sene seb‘a ve ışrîn ve elf. Şuhûdü’l-hâl: İbrahim b. Receb. Mustafa b. Hamza, Mustafa b. ( ) er-râcil ve gayruhüm mine’l-hâzırîn.