İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 159 Hüküm no: 177 Orijinal metin no: [19a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yeniçeri Hasan b. Abdullah’ın Filibe’deki evini Yeniçeri Odabaşısı Hasan’a bey‘ bi’l-istiğlâl usulüyle sattığı Zümre-i yeniçeriyândan seksen üçüncü cemâ‘atden Hasan b. Abdullah er-râcil mahfil-i kazâda cemâ‘at-i mezbûrenin mühimmât-ı lâzımesine mevkūf olan nukūdun mütevellîsi ve cemâ‘at-i mezbûrenin odabaşısı olan Hasan b. Ali er-râcil mahzarında ikrâr edip, kazâ-i Filibe’de İstanimaka nâm karyede vâki‘ tarafeyni Solak Mehmed Bey mülkü ve bir tarafı Celeb İstemad mülkü ve bir tarafı tarîk-i âm ile mahdûd mülk menzilimi mezbûr Hasan’a bey‘-i sahîh ile bey‘ eyledim, ol dahi mâl-ı vakfı mezbûr ile li ecli’l-istiğlâl altı bin akçeye iştirâ edip, ba‘de’t-tahliyye târih-i kitâbdan sene tamamına değin mezbûrdan dokuz yüz akçeye istîcâr eyledim, ol dahi îcâr eyledi dedikde, gıbbe’t-tasdîk mâ vaka‘a bi’t-taleb ketb olundu. Hurrire fî 3 Rebî‘ilâhir li sene seb‘a ve ışrîn ve elf. Şuhûdü’l-hâl: Ahmed Beşe b. Abdullah, İbrahim b. Musa [er-]râcil, Mehmed Beşe b. Pîrî, Mehmed Beşe b. Abdullah, Osman b. Abdullah, Hüseyin b. Abdullah, Mehmed b. Abdullah el-kâtib.