İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 159 Hüküm no: 178 Orijinal metin no: [19a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma bt. Bedreddin’in, Mehmed Ağa b. Bâli’ye borcunu havale yoluyla ödemesi Mahmiye-i İstanbul’da Harâccı Muhyiddin mahallesi sâkinelerinden Fâtıma Hâtun bt. Bedreddin meclis-i şer‘-i şerîfde dergâh-ı âlî bevvâblarından fahrü’l-akrân Mehmed Ağa b. Bâli mahzarında takrîr-i kelâm edip, mezbûr Mehmed Ağa’nın deyn-i şer‘îden zimmetimde otuz dokuz bin akçesi var idi. Benim dahi hâzır bi’l-meclis olan Ramazan b. Hasan nâm kimesne zimmetinde beynimizde ma‘lûm menzil-bahâsından yüz bin akçem var idi. El-hâletü hâzihî dâyinim mezbûr Mehmed Ağa’yı îcâb-ı muhîl ve kabûl-i muhtâl ve rızâ-i muhtâllun-aleyhimi câmi‘aten havâle-i sahîha-i şer‘iyye ile medyûnum mezbûr Ramazan’a havâle etdim, mezbûr Mehmed Ağa otuz dokuz bin akçesini mezbûr Ramazan’da olan yüz bin akçemden ahz eylesin dedikde, mezkûre Fâtıma Hâtun’u mesfûr Mehmed Ağa bi’l-muvâcehe tasdîk edip, mezbûr Mehmed Ağa dahi târih-i kitâbdan yüz seksen gün tamamına değin mezbûr Ramazan te’cîl etmeğin, mâ hüve’l-vâki‘ gıbbe’t-taleb ketb olundu. Hurrire fi’l-yevmi’s-sânî min şehri Rebî‘ilâhir li sene seb‘a ve ışrîn ve elf. Şuhûdü’l-hâl: Sinan Efendi b. Kasım, Mustafa Ağa b. Abdülmennân, el-Hâc Mustafa b. Ebûbekir ve gayruhüm.