İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 240 Hüküm no: 314 Orijinal metin no: [35a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mihal v. Yorgi ile Dimitri v. Moçaklom’a ödünç para vermesi Zimmî tâ’ifesinden Mihal v. Yorgi meclis-i şer‘de, Dimitri v. Moçaklom nâm zimmî mahzarında takrîr-i da‘vâ edip, mezbûr Dimitri zimmetinde karz-ı şer‘îden dokuz bin iki yüz yirmi akçe hakkım vardır taleb ederim dedikde, gıbbe’s-suâl ve akībü’l-inkâr, mezbûr Mihal’den da‘vâsına mutâbık beyyine taleb olundukda, Esterye v. Harko ve Dimitri v. Konyo nâm zimmîler li ecli’ş-şehâde hâzırân olduklarında, fi’l-vâki‘ mezbûr Dimitri bizim yanımızda karz-ı şer‘î tarîkiyle dokuz bin iki yüz yirmi akçe mezbûr Mihal yedinden alıp kabz eyledi. Biz bu husûsa şâhidleriz, şehâdet dahi ederiz deyû edâ-i şehâdet-i şer‘iyye ettiklerinde, ba‘de’t-tezkiye şehâdetleri hayyiz-i kabûlde vâkı‘a oldukdan sonra mûcebiyle hükm olunup, mâ vaka‘a ketb olundu. Fi’l-yevmi’l-hâmis min Cemâziyelevvel li sene seb‘a ve ışrîn ve elf. Şuhûd[ü’l-hâl]: Murad b. Mehmed, Hamza b. Mustafa Mehmed b. Eyüb, Mehmed b. Ahmed.