İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 245 Hüküm no: 325 Orijinal metin no: [36a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hümâ Hâtun bt. İvaz’ın, Sitti Hâtun bt. Memi’ye verdiği ödünç parayı tahsil ettiği Mahmiye-i İstanbul’da Sofular mahallesinde sâkine Hümâ Hâtun bt. İvaz meclis-i şer‘-i şerîfde, Sitti Hâtun bt. Memi mahzarında ikrâr ve takrîr-i kelâm edip, merkūme Sitti Hâtun zimmetinde karz-ı şer‘îden sekiz yüz akçe hakkım olup, meblağ-ı merkūma bundan akdem mersûme Sitti Hâtun’un sadrî oğlu Abdi b. Mustafa kefîl olmuşdu. Hâlâ meblağ-ı merkūm sekiz yüz akçeyi mezbûre Sitti Hâtun yedinden bi’t-tamâm ahz u kabz eyleyip, merkūm Abdi’nin dahi zimmetini kefâletden berî eyledim dedikde, mukırra-i mezbûrenin vech-i muharrer üzre câri olan ikrârın mezbûre Sitti Hâtun vicâhen tasdîk edicek, mâ vaka‘a bi’t-taleb ketb olundu. Tahrîren fi’l-yevmi’s-sâmin min Cemâziyelevvel sene seb‘a ve ışrîn ve elf. Şuhûd[ü’l-hâl]: Mehmed b. Mehmed. Ahmed b. Mehmed, Himmet b. Mustafa, Mehmed b. Mustafa ve gayruhüm.