İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 264 Hüküm no: 357 Orijinal metin no: [40a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Lucaka bt. Tomase’nin, Mihal v. San’a kaftan borcunu havale yoluyla ödediği Tâ’ife-i Yahudiyeden Lucaka bt. Tomase mahfil-i kazâda hâmilü’l-kitâb Mihal v. San nâm zimmî mahzarında ikrâr ve takrîr-i kelâm edip, benim Mihal’e kaftan bahâsından ba‘de küllî hesâb bin üç yüz akçe deynim olup, ben dahi işbu hâzır fi’l-meclis olan Piyero bt. Sultan zimmetinde deyn-i şer‘îden bin üç yüz akçe hakkım olmakla, üçümüz meclis-i vâhidde hâzır iken, mezbûre Piyero zimmetinde olan bin üç yüz akçe hakkımı rızâsıyla mezbûr Mihal’e havâle-i şer‘iyye ile havâle edip, mezbûr Mihal dahi havâle-i merkūmu kabûl etdim dedikde, mezbûr Yucaka’nın vech-i merkūm üzre sudûr eden ikrârın, merkūmetân Mihal ve Piyero vicâhen tasdîk ve havâle-i merkūmemi vech-i sâbık üzre kabûl ettiklerinde tahkīk etmeğin, mâ vaka‘a bi’t-taleb ketb olundu. Tahrîren fi’l-yevmi’s-sâmin ve’l-ışrîn li sene seb‘a ve ışrîn ve elf. Şuhûdü’l-hâl: İbrahim b. Abdullah, Kenan b. Abdullah, Mustafa b. Hamza, el-Hâc Kenan b. ( ) el-havâle ve gayruhüm mine’l-hâzırûn.