İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 313 Hüküm no: 444 Orijinal metin no: [50b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bâli v. Karagöz’ün, ekmekçilik ticaretinden elde edilen kar hissesinin ortağı Ahmed b. Mehmed’de ödenmesi Bâ‘is hâzihi’s-sahîfe Bâli v. Karagöz nâm zimmî mahfil-i kazâda Ahmed b. Mehmed nâm kimesne mahzarında takrîr-i kelâm edip, bundan akdem mezbûr Ahmed ve Manişer nâm zimmî ile üçümüz şirket-i vücûh tarîkiyle akd-i şirket edip, ekmekçilik işleyip, ba‘dehû akd-i mezbûru rızâmız ile fesh edip işlediğimiz zamânın fâ’idesin hesâb ve kitâb eylediğimizde, mezbûr Ahmed yedinde yedi bin akçe fâ’ideden meblağ zuhûr etmiş idi. Meblağ-ı merkūmdan hisse-i şer‘iyyem olan iki bin üç yüz otuz üç akçeyi mezbûr Ahmed’den taleb ederim dedikde, gıbbe’s-suâl mezbûr Ahmed cevâbında, vech-i merkūm üzre akd-i şirket edip ve ba‘dehû fesh-i akd edip hesâb ve kitâb eylediklerinde, kendinde fâ’ideden yedi bin akçe zuhûr eylediğini i‘tirâf edicek, mezbûrun i‘tirâfı mûcebince mezbûr Bâli’nin hissesi olan iki bin üç yüz otuz üç akçenin edâsına tenbîh birle, ba‘de’t-taleb bu hurûf ketb u tahrîr olunup, tâlibi yedine def‘ olundu. Tahrîren fi’l-yevmi’s-sâlis ve’l-aşer min Cemâziyelâhir min şuhûri li sene seb‘a ve ışrîn ve elf. Şuhûdü’l-hâl: Bâli b. Murad, Eyüb b. Mehmed, Mehmed Çelebi b. Ahmed, Ali b. Abdullah, Mustafa b. Cafer.