Bab Mahkemesi 11 Numaralı Sicil (H. 1081 / M. 1670-1671) cilt: 53, sayfa: 161 Hüküm no: 137 Orijinal metin no: [29a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sabiha Hatun’un Rus asıllı cariyesi Tevekküle’yi azat etmesi Mahmiye-i İstanbul’da Sofular mahallesi sâkinelerinden fahrü’l-muhadderât Saime bt. Ali nâm hatun meclis-i şer‘-i hatîr-ı lâzımü’t-tevkīrde ikrâr ve takrîr-i kelâm edip bana rıkkıyetini mu‘terife olan işbu hâzıra açık kaşlı, gök gözlü Rusiyyetü’l-asl bâ‘isetü hâze’l-kitâb Tevekküle bt. Abdullah nâm sagīre ve mu‘abbire câriyemi hasbeten li’l-meliki’l-mennân malımdan âzâd ve mülkümden ihrâç ve silk-i harâir-i asliyâta idrâc eyledim ba‘de’l-yevm mezbûre Tevekkele sâir harâir-i asliyât gibi hürre olup üzerinde velâdan gayrı hakkım olmadı dedikde mâ-hüve’l-vâki‘ bi’t-taleb ketb olundu. Fi’l-yevmi’s-sânî min-Recebi’l-mürecceb li-sene ihdâ ve semânîn ve elf. Şuhûdü’l-hâl: <> Mustafa Çelebi b. el-Hâc Ahmed, <>, Mustafa Efendi b. Musli, Muharrem Efendi b. Himmet, Yusuf Beşe b. Abdullah, Mehmed Çelebi b. Nurullah, Şa‘bân Çelebi b. Mustafa.