İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 316 Hüküm no: 451 Orijinal metin no: [51a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yeniçeri Ali Beşe b. Ahmed’in Sâbire bt. Yakub’u dövmesi Vilâyet-i Anadolu’da kazâ-i İznikmid tevâbi‘inden Söğütler nâm karye sâkinelerinden Sâbire bt. Yakub nâm hâtun mahfil-i kazâda Dergâh-ı âlî yeniçerilerinden işbu râfi‘ü’l-kitâb Ali Beşe b. Ahmed mahzarında üzerine da‘vâ edip, bundan akdem karye-i merkūmede vâki‘ menzilime mezbûr Ahmed Beşe girip ta‘addî ve tecâvüz eylediğinden mâ‘adâ yumruğu ile beni muhkem darb etti, suâl olunup ihkāk-ı hak olunmasını taleb ederim dedikde, gıbbe’s-suâl mezbûr Ali Beşe husûs-ı mezkûru bi’l-külliye inkâr edicek, gıbbe’l-istişhâd mezbûre Sâbire ityân-ı beyyineden izhâr-ı acz edip istihlâf edicek, mezbûr Ali Beşe dahi mezbûre Sâbire’nin menziline girip ta‘addî ve tecâvüz etmeyip yumruk ile mezbûreyi darb etmediğine yemîn billâhi’l-azîm etmeğin, mâ vaka‘a bi’t-taleb ketb olundu. Tahrîren fi’l-yevmi’s-sâdis ve’l-ışrîn min Cemâziyelâhir li sene 1027. Şuhûdü’l-hâl: El-Hâc Mehmed el-müsta‘id, Mehmed b. Pir Mehmed, Hasan b. Muharrem, Şükrullah b. Mehmed, Mustafa b. Hasan, Musa b. Yusuf, İbrahim b. Receb.