İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 318 Hüküm no: 454 Orijinal metin no: [51b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Eviro v. Todori ve ortağı Nikola v. Aleksi’nin, Ali Beşe b. Abdullah’da çobanlık ücreti ve keçi satışından alacakları olduğu Rumeli’nde Eğriboz sancağında Modoniç kazâsına tâbi‘ Badarkat(?) nâm karyeden İviro v. Todori ve şerîki Nikola v. Aleksi nâm zimmîler meclis-i şer‘de, nefs-i kasaba-i Modoniç sâkinlerinden Ali Beşe b. Abdullah mahzarında üzerine da‘vâ edip, bundan akdem mezbûr Ali Beşe bizi ağnâm ra‘y etmek için beher mâh yüz ellişer akçeye istîcâr edip, biz dahi vech-i meşrûh üzre mezbûra nefsimizi îcâr edip, bir sene ra‘y edip, cem‘an bin sekiz yüz akçe ecir hakkım olup, andan mâ‘adâ mezbûr Ali Beşe’nin İstanbul’a bey‘ için sürüb getirdiği sürüsünde bizim dahi otuz iki re’s keçimiz olup, ma‘an bey‘a izin verdiğimizde, merkūm keçilerimizi her birin yüz yirmişer akçeden cem‘an üç bin sekiz yüz akçeye bey‘ edip, akçesin kabz edip, merkūmda cem‘an beş bin sekiz yüz kırk akçe hakkımız olup Müslümanlar huzûrunda taleb ettiğimizde, bu cümle tâyi‘an ikrâr dahi etmiş iken hâlâ vermede inâd ve muhâlefet eder, suâl olunup ihkāk-ı hak olunmasını taleb ederiz dediklerinde, gıbbe’s-suâl [ve] akībü’l-inkâr ve’l-istişhâd udûl-i Müslimînden mahmiye-i İstanbul’da İsmail Ağa mahallesi sâkinlerinden Mahmud b. Ahmed ve Yenikapı hâricinde Mevlevîhâne kurbunda sâkin Ali b. Ebûbekir nâm kimesneler li ecli’ş-şehâde meclis-i şer‘a hâzırân olup istişhâd olunduklarında, her biri edâ-i şehâdet-i şer‘iyye edip, fi’l-hakīka müdde‘iyyân-ı mezbûrân mûmâ-ileyh Ali Beşe’den zikr olunan ücretden bin sekiz yüz akçeyi ve keçiler bahâsından üç bin sekiz yüz kırk akçe, cem‘an beş bin altı yüz kırk akçe olur, bizim huzûrumuzda taleb eylediklerinde zikr olunan keçiler semeni olan meblağ-ı merkūm üç bin sekiz yüz kırk akçe bendedir ve ücret-i mezkûre bin sekiz yüz akçe zimmetimdedir deyû tâyi‘an