İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 324 Hüküm no: 466 Orijinal metin no: [53a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Avraham v. Yahuda’nın tasarrufunda olan Haseki Sultan Vakfı’na ait dükkânı Manas v. Mosi’ye kiraladığı Yahud tâ’ifesinden Sinyor cemâ‘atinden Avraham v. Yahuda mahfil-i kazâda, yine tâ’ife-i mezbûreden râfi‘ü’l-kitâb Manas v. Mosi nâm yahudi mahzarında ikrâr ve takrîr-i kelâm edip, merhûme Haseki Sultan vakfından mahmiye-i İstanbul’da Mahmud Paşa sûkunda vâki‘, vâkıfe-i mezbûreye intimâ’ ile tahdîdden müstağnî olup, icâre-i mu‘accele ve müeccele ile tasarrufumda olan bir bâb dükkânı içinde olan binâ-i mürtefi‘amla izn-i mütevellî ile târih-i kitâbdan sene tamamına varınca yevmî on altı akçe icâre-i müeccele ile mezbûr Manas’a îcâr edip, ol dahi bu minvâl üzre istîcâr ve kabûl etti. Ba‘de’l-yevm mâh be mâh ücret-i mezbûreyi bana edâ ve teslîm edip mutasarrıf olsun dedikde, mâ hüve’l-vâki‘ gıbbe’t-tasdîk bi’t-taleb kayd şüd. Hurrire fi’t-târihi’l-mezbûr. Şuhûdü’l-hâl: İbrahim [b.] Receb, İshak b. Veli, Hasan b. Ahmed, Şakir b. Osman ve gayruhüm.