İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 334 Hüküm no: 484 Orijinal metin no: [55a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Receb b. Mahmud’un Havyarcılar kethüdâlığı tayin edildiği Havyarcılar tâ’ifesinden Manol v. İstemad ve Dimo v. Andriye ve Preşkova v. Yorgi ve Nikola v. Afradi ve İstaki v. Aleksi ve sâirleri meclis-i şer‘de Receb b. Mahmud mahzarında her biri ikrâr ve takrîr-i kelâm edip, mezbûr Receb bizim kethüdâmız iken hâlâ Himmet b. Pîrî nâm kimesne Dîvân-ı Âlî tarafından buyruldu-yı şerîf ile kethüdâlığı alıp, lâkin hizmet-i mezbûrenin uhdesinden gelmeyip hizmet-i mezbûre mu‘attala kalmağın, merkūm Receb hizmet-i mezkûrenin uhdesinden gelmeğin kıbel-i şer‘den kethüdâ nasb olunmasın taleb ederiz dediklerinde, merkūm Receb kethüdâ nasb olunup, ol dahi hizmet-i lâzımesin edâya müte‘ahhid olmağın, mâ hüve’l-vâki‘ bi’t-taleb ketb olundu. Hurrire fi’l-yevmi’r-râbi‘ min şehri Recebi’l-mürecceb li sene seb‘a ve ışrîn ve elf. Şuhûdü’l-hâl: El-Hâc Ali b. Abdullah, Mustafa b. Osman serbölük, Mustafa b. Hamza, Yusuf b. Bayram.