İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 366 Hüküm no: 539 Orijinal metin no: [62b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Evine yabancı erkekleri aldığı için mahalleden çıkarılmasına karar verilen Belkıs Hanım’a mühlet verildiği Mahmiye-i Kostantıniyye’de Mustafa bey mahallesi ahâlîsinden Ali Halife b. Ahmed el-imâm ve Mustafa Bey b. Mehmed el-cündî ve Yunus Çelebi b. ( ) el-kâtib ve Ahmed Bey b. Mustafa el-cündî ve Ahmed Bey el-Bevvâbü’s-sultânî ve Osman b. Süleyman ve Hamza b. Ramazan ve sâirleri mahfil-i kazâya hâzırûn olup, mahalle-i merkūmede Belkıs Hâtun bt. Abdullah mahzarında her biri takrîr-i kelâm edip, mezbûre Belkıs mahallemizde sâkine olup, kendü hâlinde olmayıp, gece ve gündüz evine nâ-mahrem ve levend getirip me’vâ-yı fevâhiş olup dâimâ fısk u fücûr üzredir ve bu husûsları cümlemiz mirâren ve kirâren mu‘âyeneten müşâhede edip, gelip giden erâzilin şerlerinden havfen akşam ve yatsı namâzın cemâ‘at-i Müslimîn ile edâya iktidârımız olmaz. Havf ederiz ki eşkiyâ bir gün mahallemizi ateşe vuralar. Mezbûre Belkıs’ın mahallemizden ihrâc olunmasın iltimâs ederiz deyû bi’l-muvâcehe haber verdiklerinde, fi’l-hakīka mezbûrenin tafsîl-i sâbık üzre sû-i hâlin mukerrer ve muhakkak olmağın, mezbûre Belkıs’ın mahalle-i merkūmeden ihrâcına tenbîh olundukda istimhâl etmekle, mezbûre mehl-i şer‘î ile imhâl olunup, mâ hüve’l-vâki‘ gıbbe’t-taleb ketb olundu. Fi’t-târihi’l-mezbûr. Şuhûdü’l-hâl: eş-Şâhidûne’s-sâbıkūn.