İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 369 Hüküm no: 544 Orijinal metin no: [63a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Panayot v. İfsato’nun dükkânını soymakla şuçladığı şahısların itirazı Mahmiye-i Kostantıniyye’de Okçular Çarşısı ahâlîsinden Ali b. Mehmed ve Ali b. Abdullah nâm kimesneler ve Ano? ve Dimo nâm zimmîler mahfil-i kazâda, zikr olunan çarşu ahâlîsinden hâmilü’l-kitâb Panayot v. İfsato nâm kürkçü zimmî mahzarında üzerine da‘vâ edip, bundan akdem mezbûr Panayot’un zikr olunan çarşıda vâki‘ dükkânı gece ile açılıp içinde yirmi beş bin nakid akçesi ve ba‘zı esbâbı sirkat olundukda, mezbûr Panayot bizden taleb edip da‘vâ etmekle, ehl-i örf tâ’ifesi cerîme nâmına bizden (…) [beş bin akçe] almış idi. Hâlâ mezbûr Panayot’un sirkat olunan esbâbından ba‘zısı Mihail nâm zimmî yedinde zuhûr etmeğin, mezbûr Panayot sebeb olup ehl-i örf tâ’ifesi cerîme nâmına bizden ahz ettiği beş bin akçeyi mezbûr Panayot’dan taleb ederiz dediklerinde, gıbbe’s-suâl mezbûr Panayot vech-i muharrer üzre dükkânı açılıp mezbûrlardan zan edip da‘vâ ettiğin mu‘terif olup, lâkin zikr olunan eşyânın âharda zuhûru mütehakkik olmayıp mücerred ba‘zı zan kabîlinden olduğu ecilden, si‘âyetî si‘âyetuhû mûcibeten li’d-damân olmamağın, merkūmlar mersûm Panayot’a ta‘arruzdan men‘ olunup, mâ vaka‘a gıbbe’t-taleb ketb ve yed-i tâlibe def‘ olundu. Hurrire fî evâsıtı Recebi’l-ferd li sene 1027. Şuhûdü’l-hâl: Mustafa b. Osman, Mustafa b. Hasan, Rıdvan b. Abdullah, Hasan Cemal b. Ahmed ve gayruhüm.