İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 371 Hüküm no: 548 Orijinal metin no: [63b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Boşandığı Abdi b. Hacı Ahmed’deki nafakasını tamamen alan Fâtıma bt. Sefer’in yeniden evlendiğinden yanındaki çocuğunu babasına teslim ettiği Mahmiye-i İstanbul’da merhûm Hâfız Paşa odaları sâkinelerinden Fâtıma bt. Sefer nâm hâtun mahfil-i kazâda, zevc-i mutalliki olan râfi‘ü hâze’l-kitâb Abdi b. el-Hâc Ahmed mahzarında takrîr-i kelâm edip, bundan akdem mezbûr Abdi bana bin akçe mehr-i müeccelim teslîm edip, beni talâk-ı bâyin ile tatlîk etdikde, ben dahi iddetim münkaziye olunca kendi nefsim ile benden tevellüd edip hacrimde olan Bayram nâm sagīr için yevmî sekiz akçe nafaka takdîr etmiş idim. El-hâletü hâzihî iddetim münkaziye olup, târih-i kitâba gelince mürûr eden nafaka-i mefrûzayi mezbûr Abdi’nin yedinden bi’t-tamâm ahz u kabz edip ve nefsimi zevc-i âhara tezevvüc etmemle sagīr-i mezbûru dahi teslîm edip, zevciyyete müte‘allik da‘vâdan bir birimizin zimmetini ibrâ-yı âm ile ibrâ etdik dedikde, gıbbe’t-tasdîk mâ hüve’l-vâki‘ bi’t-taleb ketb olundu. Hurrire fi’l-yevm-i evâhiri Cemâziyelâhir li sene seb‘a ve ışrîn ve elf. Şuhûdü’l-hâl: İbrahim b. Receb, Arslan b. Mehmed, Sinan b. Abdullah, Murad b. Mehmed ve gayruhüm.