İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 383 Hüküm no: 570 Orijinal metin no: [66b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hüseyin Bey b. Ali’nin, Abdullah b. Osman’a olan borcunu ödemesi İşbu râfi‘ü’l-kitâb Abdullah b. Osman nâm râcil meclis-i şer‘-i şerîfde mahmiye-i İstanbul’da Ali Paşa mahallesi sâkinlerinden Hüseyin Bey b. Ali nâm kimesne mahzarında üzerine takrîr-i da‘vâ edip, bundan akdem evsâfı beynimizde ilm-i şer‘î ile ma‘lûm kır at bahâsından dört bin dört yüz nakd râyic fi’l-vakt akçe mezbûr Hüseyin Bey’in zimmetinde hakkım vardır. Hâlâ suâl olunup alıverilmesin taleb ederim dedikde, gıbbe’s-suâl mezbûr Hüseyin Bey cevâbında, fi’l-hakīka vech-i muharrer üzre kır at bahâsından dört bin dört yüz akçe müdde‘î-i mezbûr Abdullah’a zimmetimde lâzımü’l-edâ ve vâcibü’l-kazâ deynimdir deyû bi’t-tav‘ ve’r-rızâ ikrâr u i‘tirâf edicek, mûcebiyle meblağ-ı mezbûru müdde‘î-i merkūma edâya mesfûr Hüseyin Bey’e kıbel-i şer‘den tenbîh olunup, mâ vaka‘a bi’t-taleb ketb olundu. Tahrîren fî evâsıtı Receb sene 1027. Şuhûdü’l-hâl: Ahmed b. Şahbaz, Kadri b. Mustafa, Hamza b. Mustafa ve Abdullah b. Mustafa ve gayruhüm mine’l-hâzırîn.