İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 386 Hüküm no: 575 Orijinal metin no: [67a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Zamarina bt. Abdullah’ın eşi Şâhin b. Mehmed’den muhâla‘a yoluyla boşandığı Mahmiye-i İstanbul’da Karabaş mahallesi sâkinlerinden Zamarina bt. Abdullah nâm hâtun meclis-i şer‘-i şerîfde zevci Şâhin b. Mehmed mahzarında takrîr-i kelâm edip, ma‘kūdun-aleyh olan üç yüz akçe mehr-i müeccelim mukābelesinde mezbûr Şâhin yedinden on çeki un ve bir keyl pirinç ve bir keyl mercimek ve beş vakıyye sabun alup, nafaka-i iddetim ve me’ûnet-i süknâm üzre mezbûr Şâhin ile muhâla‘a-i sahîha-i şer‘iyye ile muhâla‘a eyleyip, bir birimizin zimmetini zevciyyete müte‘allik âmme-i de‘âvâdan ibrâ-i âm ile ibrâ etdik, ba‘de’l-yevm her hangiden zevciyyete müte‘allik da‘vâ sudûr ederse, inde’l-hükkâmi’l-kirâm mesmû‘a olmaya dedikde, mezbûr Zamarina’yı ikrâr-ı meşrûhunda mezbûr Şâhin bi’l-muvâcehe tasdîk edip, mâ hüve’l-vâki‘ gıbbe’t-taleb ketb olundu. Tahrîren fi’l-yevmi’l-hâmis aşer min Recebi’l-mürecceb li sene seb‘a ve ışrîn ve elf. Şuhûdü’l-hâl: El-Hâc Ali b. Abdullah, Hasan b. Mehmed, Ali b. Abdullah ve gayruhüm.