Bab Mahkemesi 11 Numaralı Sicil (H. 1081 / M. 1670-1671) cilt: 53, sayfa: 173 Hüküm no: 153 Orijinal metin no: [32b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Niko v. Dimo’nun Mehmed b. Hızır aleyhindeki koyun bedeli davasında anlaşma sağlanması Hüccet, koyun bahâsından sulh Vilâyet-i Rumeli’de Karinâbâd kazâsına tâbi‘ Gökçeviran nâm karye sükkânından Niko v. Dimo nâm zimmî meclis-i şer‘-i hatîrde işbu bâ‘isü’l-kitâb el-Hâc Mehmed b. Hızır nâm kimesne mahzarında ikrâr ve takrîr-i kelâm edip mezbûr el-Hâc Mehmed zimmetinde beş yüz re’s koyun semeninden ba‘de külli’l-hesâb yirmi bin akçe hakkım bâkī kalmışdı deyü bundan akdem mezbûrûn da‘vâ ve taleb eylediğimde beynimizde münâza‘ât-ı kesîre vâkı‘a olmuş idi. el-hâletü hâzihi beynimize muslihûn tavassut edip da‘vâ-yı mezkûrumdan mezbûr el-Hâc Mehmed benimle beş bin akçe üzerine inşâ-i akd-i sulh eyledikde ben dahi sulh-ı mezbûru kabûl ve bedel-i sulh olan meblağ-ı mezbûr beş bin akçeyi mezbûr el-Hâc Mehmed yedinden tamâmen ahz u kabz eylediğimden sonra husûs-ı mezbûra ve târîh-i kitâba gelince beynimizde vâkı‘a olan ahz u i‘tâ ve mu‘âmelât-ı şettâya müte‘allıka da‘vâdan ben mezbûr el-Hâc Ahmed’in zimmetini, ol dahi bana def‘ ü teslîm eylediği meblağa müte‘allıka da‘vâdan benim zimmetimi ibrâ-i âm ile ibrâ ve iskāt eyledik dedikde gıbbe’t-tasdîkı’ş-şer‘î mâ-hüve’l-vâki‘ bi’t-taleb ketb olundu. Fi’l-yevmi’s-sâmin aşer min-Cumâdelâhir li-sene ihdâ ve semânîn ve elf. Şuhûdü’l-hâl: Hüseyin Odabaşı b. ( ) 3. Bölük, Mumcu Mehmed Beşe b. Mumcu Ahmed Beşe, Şa‘bân Çelebi b. el-Hâc İbrahim, Mehmed Çelebi b. el-Hâc Mehmed, Mustafa Çelebi b. Ahmed.