İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 404 Hüküm no: 609 Orijinal metin no: [71b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şam’a gidecek olan Murad Paşa câmii devirhânı Mehmed Halife’nin yerine Abdullah Halife’yi tayin ettiği Mahmiye-i İstanbul’da vâki‘ merhûm Murad Paşa-yı Atîk câmi‘-i şerîfi’nde devirhân olan Mehmed Halife b. Mustafa meclis-i şer‘de, işbu râfi‘ü’l-kitâb Abdullah Halife b. Ali mahzarında ikrâr ve takrîr-i kelâm edip, hâlâ Şam-ı şerîfe teveccüh ettiğim ecilden, yerime bir kāimmakām nasbından lâzım olmağın, vakf-ı mezbûrdan mutasarrıf olduğum beş akçe vazîfenin bir buçuk akçesi ile mezbûru kāimmakām nasb ve ta‘yîn ey[le]dim dedikde, ol dahi bir buçuk akçe ile hizmet-i mezbûreyi edâya ta‘ahhüd ve kabûl ettikden sonra, mâ vaka‘a bi’t-taleb ketb olundu. Hurrire fi’l-yevmi’t-tâsi‘ min Şa‘bâni’l-mu‘azzam li sene sitte ve ışrîn ve elf. Şuhûdü’l-hâl: Osman Efendi b. Ahmed, Musa b. İlyas, Mehmed b. Zeynî.