İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 405 Hüküm no: 610 Orijinal metin no: [71b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma’nın Sefer b. Hacı Abdullah’tan alacağı kalmadığı Mahmiye-i İstanbul’da Kırkçeşme mahallesi sâkinelerinden Fâtıma bt. Abdullah nâm hâtun meclis-i şer‘-i şerîfde, Sefer b. el-Hâc Mehmed üzerine da‘vâ edip, bundan akdem mezbûr Sefer’e Rûsiyyetü’l-asl Bahtiyar bt. Abdullah nâm câriyemi Mustafa nâm dellâle bey‘ edivermek için teslîm edip, mezbûr dahi iki bin sekiz yüz akçeye mersûm Sefer’e bey‘ edip, meblağ-ı mezbûrun yedi sikke filorisi mezbûr Mustafa yediyle bana gelip vâsıl olup, zimmetinde bin yedi yüz elli akçe hakkım kaldı ve meblağ-ı mezbûru kabza dellâl-i mezbûr beni taslît etti, suâl olunup alıverilmesin taleb ederim dedikde, gıbbe’s-suâl mezbûr Sefer cevâbında, fi’l-hakīka zikr olunan Rûsiyyetü’l-asl Bahtiyar nâm câriyemi Sarı Mustafa nâm dellâlden iki bin sekiz yüz akçeye iştirâ edip, lâkin mezbûre Bahtiyar’ın pençik kağıdı olmamağın, meblağ-ı mezbûrun iki yüz akçesini pençik kağıdı mukābelesinde mezbûre Fâtıma rızâsıyla alıkoyup, bâkī olan iki bin altı yüz akçeyi dahi dellâl-i mezbûr taslîtle, müdde‘iyye-i mezbûre Fâtıma Hâtun’a bi’t-tamâm edâ eyledim dediğini, mezbûre Fâtıma kabzda münkire olmağın, mersûm Sefer’in sıdk-ı makāline beyyine taleb olundukda, udûl-i ricâlden Yusuf b. Sevindik ve Seyfi b. Gülâbî ve Mustafa b. İsmail nâm kimesneler mahfil-i kazâya li ecli’ş-şehâde hâzırûn olup istişhâd olunduklarında, fi’l