İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 433 Hüküm no: 660 Orijinal metin no: [78a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sâliha Hâtun’un Müderris Mustafa Çelebi’ye borçlu olduğu Mahmiye-i İstanbul mahallâtından Hobyar mahallesi sâkinelerinden fahrü’l-muhadderât Sâliha Hâtun bt. Mehmed Efendi tarafından ikrâr-ı âti’l-beyâna vekîl olup, mezbûreyi ma‘rifet-i şer‘iyye ile ârifeyn olan fahrü’l-cüyûş Mahmud Çavuş b. İsmail ve Süleyman Bey b. Hamza el-cündî şehâdetleri ile hasm-ı câhid-i şer‘î mahzarında şer‘an vekâleti sâbite olan Mehmed Efendi b. Ziyaeddin meclis-i şer‘-i kavîmde, hâmil-i hâze’l-kitâb umdetü’l-müderrisîn Mustafa Çelebi b. el-müvellâ el-merhûm Mehmed Efendi muvâcehesinde vekâleten ikrâr ve i‘tirâf edip, müvekkilem merkūme Sâliha’nın mûmâ-ileyh Mustafa Çelebi’ye cihet-i karz-ı şer‘îden zimmetinde lâzımü’l-edâ kırk altı bin nakd-i fıddî râyic fi’l-vakt akçe deyni vardır dedikde, vekîl-i mersûmu vech-i muharrer üzre sâdır olan ikrârında el-mukarru lehü’l-mûmâ-ileyh Mustafa Çelebi vicâhen tasdîk ve şifâhen tahkīk edicek, mâ hüve’l-vâki‘ bi’t-taleb ketb olundu. Tahrîren fî gurreti şehri Ramazâni’l-mübârek li sene seb‘a ve ışrîn ve elf. Şuhûdü’l-hâl: Hüseyin b. Ahmed, Hızır [b.] Veli, Hamza b. Mustafa, Ebûbekir b. Osman, Hasan Çelebi b. Veli ve gayruhüm. Vekâleten deyn ikrârıdır.