İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 491 Hüküm no: 751 Orijinal metin no: [96a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ruben v. Harun’un Hoca Hanı’nda ham ipek satan dellâllara kethüdâ tayini Mahmiye-i İstanbul’da vâki‘ kazzâzlar kethüdâsı olan Mehmed Bey b. İsmail ve yiğitbaşıları Mustafa b. Kasım ve sâirleri ve Yahudi kazzâzlarının kethüdâları İlya v. Hafas nâm kimesneler meclis-i şer‘-i şerîfde takrîr-i kelâm edip, mahmiye-i mezbûrede vâki‘ Hoca [Ha]nı içinde ve taşrasında ham ipek füruht eden dellâllar[ın] kethüdâları olmamağın, beynlerini ihtilâlden hâlî olmadıkları ecilden, İzdin cemâ‘atinden Ruben v. Harun nâm Yahudiyi ittifâkımız ile ham ipek bey‘ eden dellâllara kethüdâ nasb olunmasın taleb ederiz dediklerinde, cânib-i şer‘den mezbûr Ruben kethüdâ olmağa icâzet verip, mâ hüve’l-vâki‘ bi’t-taleb ketb olundu. Tahrîren fi’l-yevmi’r-râbi‘ min [şehri] Cemâziyelevvel li sene seb‘a ve ışrîn ve elf. Şuhûdü’l-hâl: Sinan b. Ömer Beşe, Mehmed b. Cafer, Hüseyin b. Mustafa, Hasan Çelebi [b.] Murad.