İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 103 Hüküm no: 9 Orijinal metin no: [1a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Mehmed’in evinde misafir olarak kalıp onun eşya ve parasını çaldığı iddia edilen Ahmed b. Kaya’ya karşı beyyine için süre verildiği (…) başında vâki‘ sûkda hâlâ çörekçi olan işbu bâ‘isü’l-kitâb Mustafa b. Mehmed mahfil-i kazâda Ahmed b. Kaya nâm (…) üzerine da‘vâ ve takrîr-i kelâm edip mezbûr Ahmed târih-i kitâbdan sekiz gün mukaddem dükkânıma gelip gece ile bana müsâfir olup (…) eşyâmdan işbu arkasında olan tafta çuka kürküm ile sekiz yüz nakd akçemi hufyeten ahz edip firâr eylemişdir. Hâlâ kürk ile meblağ-ı mezbûru merkūm Ahmed’den taleb ederim suâl olunsun dedikde gıbbe’s-suâl mezbûr Ahmed cevâbında fi’l-hakīka müdde‘î-yi mezbûrun (…) vech-i mübeyyen üzere müsâfir olup ancak işbu mevcûd tafta çukaya kaplı kürkü hufyeten ahz eylediğim (…) akçe ahzını inkâr edicek müdde‘î-yi mezbûrdan da‘vâsını mübeyyin beyyine taleb olundukda ityân-ı beyyine için <> mehil-i şer‘î ile emhâl olunup mâ-vaka‘a bi’t-taleb ketb olundu. Fi’r-râbi‘ aşer min-Recebi’l-ferd li-sene isneyn ve seb‘în ve elf. Şuhûdü’l-hâl: İbrahim Çelebi b. Abdülhâlik, Hasan Beşe çukadâr, Osman Beşe b. Mehmed, Mustafa b. Mehmed, Mustafa b. Mehmed, Abdi b. Hüseyin, Veli b. Mahmud.