İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 146 Hüküm no: 76 Orijinal metin no: [8a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Mehmed Çavuş’un Azmizâde Efendi Vakfı’na altı yüz yetmiş guruş borcu olduğu Mahmiye-i İstanbul’da Suhte Sinan mahallesinde sâkine Âişe Hatun bt. Mehmed Çavuş meclis-i şer‘-i hatîrde mahmiye-i mezbûrede merhûm Azmizâde Efendi’nin dâr-ı kurrâ için vakf eylediği nükūda bi’l-fi‘il mütevellî olan râfi‘-i hâze’l-kitâb Ahmed Efendi b. Abdurrahman mahzarında tâyi‘aten ikrâr ve takrîr-i kelâm edip asl-ı mal-ı vakf-ı mezbûrdan altı yüz yetmiş beş riyâlî guruş ve menzil ücretinden dahi iki buçuk senede müctemi‘ yirmi bin yüz yirmi beş akçe vakf-ı mezbûra zimmetimde deynim olup meblağ-ı mezbûru târih-i kitâbdan seksen bir gün tamamında mütevellî-i mezbûra edâ ve teslîm etmeğe müte‘ahhid oldum dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-hâdî aşer min-Recebi’l-ferd li-sene isneyn ve seb‘în ve elf. Şuhûdu’l-hâl: eş-Şeyh Mehmed b. Mehmed, Hasan Efendi b. Mustafa, el-Hâc Mehmed b. Nurullah, Yusuf Efendi b. Kasım en-neccâr, Şaban Efendi el-imâm, Ali b. Musa.