İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 146 Hüküm no: 75 Orijinal metin no: [8a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Pehlivan Osman b. İbrahim’in cariyesi Siyavuş’u azat ettiği Itknâme. Mahmiye-i İstanbul’da Kadıçeşmesi kurbünde Altıpoğaça mahallesinde sâkine işbu râfi‘atü’l-vesîka Siyavuş bt. Abdullah meclis-i şer‘-i hatîrde mevlâsı Pehlivan Osman b. İbrahim mahzarında üzerine da‘vâ edip mevlâm mezbûr Pehlivan Osman’ın ben ümm-i veledi olup târih-i kitâbdan dört ay mukaddem ıtkımı tencîz eylemişdir mezbûr Pehlivan Osman ke’l-evvel rıkk olmak üzere beni zabteder suâl olunup sebîlim tahliye olunmak matlûbumdur dedikde gıbbe’s-suâl mezbûr Pehlivan Osman cevâbında kazıyye bâlâda tahrîr olunan vech üzere olup müdde‘iye-i mezbûrenin ıtkını tencîz eyledim deyü bi-tav‘ihiikrâr etmeğin alâ-mûcib-i ikrârihî mezbûre Siyavuş’un ıtkına hüküm olunup mâ-vaka‘a bi’t-taleb ketb olundu. Fi’t-tâsi‘ min-Recebi’l-ferd li-sene isneyn ve seb‘în ve elf. Şuhûdu’l-hâl: Mehmed Çelebi b. Mustafa, Ebûbekir Çelebi b. Mustafa, Receb b. Hasan, Mehmed b. Mustafa, Mehmed Efendi b. Ali, Abdullah Çelebi b. Ali.