İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 274 Hüküm no: 243 Orijinal metin no: [30a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali Efendi b. Receb ile kız kardeşi Ayşe’nin mirası için Ümmühani bt. Mehmed’in nâzır tayin edildiği Nezâret Kasaba-i Yalakâbad’da sâkin iken fevt olan Ali Efendi b. Receb ile kız karındaşı Âişe nâm sagīreden mezbûr Receb’in oğlu Salih nâm sagīre intikāl edip hâlâ vasîsi yedinde mevcûd olan yedi bin akçenin idaresine bir nâzır lâzım ve mühim olmağla mezbûrun vâlidesi hâfızatü’l-kitâb Ümmühani bt. Mehmed nâm hatun nezâret hıdmetine kādire olmağın savb-ı şer‘den nâzır nasb ve ta‘yîn olundukda ol dahi nezâret-i merkūmeyi kabûl ve hıdmet-i lâzımesini edâya ta‘ahhüd etmeğin mâ-vaka‘a bi’t-taleb ketb olundu. Fi’s-sâdis ve’l-işrîn min-Şa‘bâni’l-mu‘azzam li-sene isnâ ve seb‘în ve elf. Şuhûdü’l-hâl: Hüseyin Efendi b. el-kâtib, Mustafa Efendi el-kâtib, Ahmed Efendi el-kâtib, Abdi Çelebi b. Hüseyin, Şükrullah b. Mustafa.